اسکول کے اناج کی کالابازاری پر مقدمہ

ناندیڑ: ۱۰؍اکتوبر (اعتماد نیوز)اسکولی طلبہ کیلئے فراہم کردہ اناج مارکیٹ میں فروخت کرنے کی کوشش کرنے والے ہیڈ ماسٹر ، سوسائٹی کے صدر اور دیگر تین افراد کے خلاف پولس نے مقدمہ درج کیا ہے ۔ پولس پریس نوٹ کے مطابق ناندیڑ شہر کے گجراتی ہائی اسکول میں طلبہ کیلئے اناج ، سرکار کی جانب سے فراہم کیا



گیاتھا مگر سوسائٹی کے صدر پٹیل ، ہیڈ ماسٹر گائیکواڑ میڈم ، راجو بوراٹے ، گجانن ، گنیش ناگڑا ان لوگوں نے مل کر ۱۵؍کلو چاول کالابازار میں فروخت کرنے کی غرض سے لے جارہے تھے ۔ پولس انسپکٹر رگھوناتھ کدم کی شکایت پر مذکورہ پانچوں افراد کے خلاف وزیر آباد پولس اسٹیشن میں ای سی ایکٹ کے تحت مقدمہ درج کیا گیا ہے ۔